அரசு கலை கல்லூரிகளில் 8ஆம் தேதி முதல் விண்ணப்பிக்கலாம்: பொன்முடி அறிவிப்பு.

சென்னையில் செய்தியாளர்களிடம் பேசியுள்ள உயர்கல்வித்துறை அமைச்சர் பொன்முடி, தமிழ்நாட்டில் உள்ள 164 அரசு கலை, அறிவியல் கல்லூரிகளுக்கு உயர்கல்வித் துறையின் அதிகாரப்பூர்வ இணையதளத்தில் மாணவர்கள் விண்ணப்பப் பதிவு செய்யலாம். மாணவர்களின் தரவரிசை பட்டியல் மே 23க்குள் கல்லூரிகளுக்கு அனுப்பப்படும்.மாற்றுத்திறனாளிகள் உள்ளிட்ட சிறப்பு பிரிவுகளுக்கான கலந்தாய்வு கல்லூரி அளவில் மே 25ஆம் தேதி முதல் 29 தேதி வரை நடத்தப்படும். அரசு கலைக் கல்லூரிகளில் சேர முதல்கட்ட பொது கலந்தாய்வு மே30 முதல் ஜூன் 9 வரை நடைபெறும். இரண்டாம் கட்ட பொது கலந்தாய்வு ஜூன் 12 முதல் 20 வரை நடைபெறும். என்று கூறி உள்ளார்.