இந்தியா – மியான்மர் – தாய்லாந்து இடையே சாலை வசதி: 4 ஆண்டுகளுக்குள் நிறைவுபெறும்.

கொல்கத்தாவில் நடைபெற்ற சிஐஐ வணிக மாநாட்டின்போது, இந்தியா, தாய்லாந்து, மியான்மர் இடையே முத்தரப்பு தேசிய நெடுஞ்சாலை அமைப்பது குறித்து பேசப்பட்டு, 2 ஆயிரத்து 800 கிலோ மீட்டர் தொலைவுக்கு சாலை அமைக்கும் பணி ஒப்பந்தமானது.இதில் சுமார் 2 ஆயிரத்து 500 கிலோ மீட்டர் சாலை இந்தியா மற்றும் மியான்மரிலும், 300 கிலோ மீட்டர் சாலை தாய்லாந்தின் தலைநகர் பாங்காக்கிலும் அமையவிருக்கிறது.முதற்கட்டமாக தாய்லாந்தில் சாலை அமைக்கம் பணி நிறைவுபெற்று, அடுத்தக்கட்ட பணிகள் தொடங்கியுள்ளன. எனவே, இன்னும் 3 அல்லது 4 ஆண்டுகளுக்குள் கொல்கத்தாவிலிருந்து மியான்மர் வழியாக தாய்லாந்து செல்ல சாலை வசதி வந்துவிடும். இதனால், நாட்டின் வணிக ரீதியான வாய்ப்புகள் மேம்படும் என்று எதிர்பார்க்கப்படுகிறது.இந்த திட்டம் நிறைவு பெற்றால், சாலை வழியாகவே இந்திய மக்கள் தாய்லாந்துக்குச் செல்லும் வசதி ஏற்பட்டுவிடும்.