கேரளாவில் வந்தே பாரத் ரயில் மீது கல்வீச்சு: கண்ணாடிகள் உடைந்து சேதம்.

நாட்டின் 15 வது வந்தே பாரத் ரயிலானது திருவனந்தபுரம் – காசக்கோடு இடையே தன் சேவையைத் துவங்கியது. இதுதான் கேரளாவின் முதல் வந்தே பாரத் ரயில் என்பதால் மக்கள் மத்தியில் மிகுந்த எதிர்பார்ப்பை ஏற்படுத்தியது. தொடக்கத்திலிருந்தே இந்த ரயிலில் மக்கள் ஆர்வத்துடன் பயணித்து வருகின்றனர்.இந்நிலையில் திருநாவாய் – திரூர் இடையே இந்த ரயில் இயக்கப்பட்டபோது, அதன் மீது யாரோ கற்களை வீசினர் . இதில் வந்தே பாரத் ரயிலின் சி4 பெட்டியின் கண்ணாடி உடைந்து நொறுங்கியது. இந்த சம்பவத்தில் பயணிகள் யாருக்கும் அதிர்ஷ்டவசமாக காயம் ஏற்படவில்லை.பின்னர் இது தொடர்பாக வழக்கு பதிவு செய்த போலீசார் கல்வீசிய நபர்கள் யார் என்று தேடி வருகின்றனர்.