கேரளாவில் 1.60 லட்சம் பேர் காய்ச்சலால் பாதிப்பு: மக்கள் எச்சரிக்கையாக இருக்குமாறு சுகாதார துறை வேண்டுகோள்.

கேரளாவில் கடந்த 20 நாட்களில் டெங்கு, புளூ, எலி காய்ச்சலால் 1 லட்சத்து 60 ஆயிரம் பேர் பாதிக்கப்பட்டுள்ளனர்.116 பேருக்கு எலிக்காய்ச்சல் அறிகுறி இருந்ததாகவும், இதில் 77 பேருக்கு நோய் பாதிப்பு உறுதியானதாக தெரிவிக்கப்பட்டுள்ளது.கொல்லம், கோட்டயம், பத்தினம்திட்டா, மலப்புரம் உள்ளிட்ட மாவட்டங்களில் அதிகம் பேர் பாதிக்கப்பட்டுள்ளனர். கடந்த 6 மாதங்களில் காய்ச்சலுக்கு 68 பேர் உயிரிழந்து உள்ளனர். நோயாளிகள் வருகை அதிகம் இருப்பதால் அரசு மருத்துவமனைகள் நிரம்பி வழிகிறது.கேரளாவில் பருவமழை துவங்கியதால் மக்கள் எச்சரிக்கையாக இருக்குமாறு சுகாதார துறை அதிகாரிகள் கேட்டு கொண்டுள்ளனர்.