டெல்லி-மும்பை விரைவுச்சாலை: பணிமுடிந்த முதற் கட்ட சாலையை பிரதமர் மோடி திறந்து வைத்தார்.

ஆயிரத்து 386 கிலோ மீட்டர் தொலைவு கொண்ட நாட்டின் மிக நீளமான விரைவுச் சாலை டெல்லி மற்றும் மும்பையை இணைக்கும். இதற்கான மொத்த செலவு தோராயமாக 1 லட்சம் கோடி ரூபாய் ஆகும்.அதோடு,விரைவுச்சாலை திட்டம் முழுமையாக முடிந்தவுடன் டெல்லி-மும்பை பயணம் நேரம் 24 மணி நேரத்தில் இருந்து 12 மணி நேரமாகக் குறையும் என்று தெரிவிக்கப்பட்டுள்ளது. டெல்லி-மும்பை விரைவுச்சாலை திட்டம் டெல்லி, ஹரியானா, ராஜஸ்தான், மத்தியப்பிரதேசம், குஜராத் மற்றும் மகாராஷ்டிரா ஆகிய 6 மாநிலங்களை கடந்து கோட்டா, இந்தூர், ஜெய்ப்பூர், போபால், வதோதரா மற்றும் சூரத் போன்ற முக்கிய நகரங்களை இணைக்கிறது.டெல்லி-மும்பை இடையிலான விரைவுச்சாலை திட்டத்தின் முதல் பகுதியாக 246 கிலோ மீட்டர் தொலைவிற்கு டெல்லி-தௌசா-லால்கோட் பகுதி 12 ஆயிரத்து 150 கோடி ரூபாய் செலவில் அமைக்கப்பட்டுள்ள சாலையையும் பிரதமர் நரேந்திர மோடி திறந்து வைத்தார். இதன் மூலம் டெல்லியில் இருந்து ஜெய்ப்பூருக்கான பயண நேரம் 5 மணியில் இருந்து மூன்றரை மணி நேரமாக குறையும். இதனால் பொருளாதார வளர்ச்சி மேம்படும் என்று மத்திய அரசு தெரிவித்துள்ளது.