தமிழகத்தில் 3 நாள்களுக்கு மிதமான மழைக்கு வாய்ப்பு: வானிலை ஆய்வு மையம் அறிவிப்பு.

கிழக்கு திசை காற்றின் வேக மாறுபாடு காரணமாக,வரும் 8 மற்றும் 10ஆகிய தேதிகளில் தென் தமிழக மாவட்டங்கள், டெல்டா மாவட்டங்கள் மற்றும் காரைக்கால் பகுதிகளில் ஓரிரு இடங்களில் லேசான மிதமான மழை பெய்யக்கூடும். சென்னை மற்றும் புறநகர் பகுதியில் அடுத்த 48 மணி நேரத்திற்கு வானம் தெளிவாக காணப்படும். அதிகபட்ச வெப்பநிலை 33-34 டிகிரி செல்சியஸ் மற்றும் குறைந்தபட்ச வெப்பநிலை 22-23 டிகிரி செல்சியசை ஒட்டி இருக்கக்கூடும்.கடந்த 24 மணி நேரத்தில் கொடைக்கானல் படகு குழாம்(திண்டுக்கல் மாவட்டம்) 2, கொடைக்கானல் 1 செ.மீ மழை பதிவாகியுள்ளது.என்று சென்னை வானிலை ஆய்வு மையம் தெரிவித்துள்ளது.