நம்பிக்கையை மீட்டெடுக்க வேண்டும்: ஆளுநருக்கு முதல் அமைச்சர் கேஜ்ரிவால் கடிதம்.

டெல்லி துணைநிலை ஆளுநர் வி.கே.சக்சேனாவுக்கு முதல் அமைச்சர்; அரவிந்த் கேஜ்ரிவால் எழுதியுள்ள கடிதத்தில், “டெல்லியின் பல்வேறு பகுதிகளில் கடந்த 24 மணி நேரத்தில் 4 கொலைகள் நடந்துள்ளன. இதுபோன்ற தீவிர குற்றச் செயல்கள் மீண்டும் மீண்டும் நடப்பது மக்களின் மனதில் அதிர்ச்சி அலைகளை ஏற்படுத்தி அவர்களின் நம்பிக்கைகளைக் குலைப்பதாக இருக்கிறது. இந்தச் சூழ்நிலையில், டெல்லியில் சட்டம் – ஒழுங்கை பராமரித்து குற்றங்களைத் தடுப்பதற்கான பொறுப்பில் இருப்பவர்களின் பங்களிப்பு முற்றிலுமாக இல்லை என்று நான் கூறுகிறேன். எனவே, இந்த முக்கியமான பிரச்சினை குறித்து தாங்கள், அமைச்சர்களுடன் ஓர் அவசரக் கூட்டம் நடத்த வேண்டும் என்று நான் கேட்டுக்கொள்கிறேன்” என்று கடிதத்தில் தெரிவித்துள்ளார்.