“மௌனகுரு” படத்தின் மூலம் தமிழ் சினிமாவில் உலக சினிமா இயக்குநர் என பெயர் எடுத்தவர் சாந்தகுமார். அதன் பின்பு மகமுனி படமும் பலரது நல் விமர்சனங்களை அள்ளி இன்னும் சாந்தக்குமாருக்கு பெரும் பாராட்டுக்களை பெற்று தந்தது.
கைதி, அந்தகாரம், மாஸ்டர் போன்ற படங்களின் மூலம் தரமான நடிகர் என்ற முத்திரையை பதிவு செய்தவர் அர்ஜுன் தாஸ்.
அர்ஜுன் தாஸ், தான்யா ரவிச்சந்திரன் ஆகியோர் தற்போது இந்த படத்தில் லீட் ரோலில் நடிக்க ஒப்பந்தம் ஆகியுள்ளனர். தமன் மூன்றாவது முறையாக சாந்தக்குமாருடன் கூட்டணி அமைத்துள்ளார். கடந்த படங்களை போல அனைத்தும் கலந்து ஒரு வகையான படமாக இருக்கும் என இயக்குநர் சாந்தகுமார் தெரிவித்து உள்ளார்.
