ரூ.6 லட்சத்துக்கு விற்பனையான ஷாருக்கான் பெயருடைய ஆடு: பலரை ஆச்சரியத்தில் ஆழ்த்திய விற்பனை.

உத்தரப் பிரதேச மாநிலம் லக்னௌவிலுள்ள ஆடுகள் விற்பனை சந்தையில் பக்ரீத் பண்டிகையையொட்டி ஆடுகள், மாடுகள் விற்பனை அமோகமாக நடைபெற்றது. இந்த சந்தையில் மட்டும் சுமார் 3 கோடி ரூபாய் மதிப்பிலான ஆடு, மாடுகள் விற்பனை செய்யப்பட்டுள்ளதாகத் தெரிவிக்கப்பட்டுள்ளது.இந்த சந்தையில் ஷாருக்கான் எனப் பெயரிடப்பட்ட 300 கிலோ எடையுடைய அஜ்மீரி இன ஆடு 6 லட்சம் ரூபாய்க்கு விற்பனையானது. அந்த ஆட்டின் உரிமையாளரான இர்ஃபான் ஆக்ஹா, தான் வளர்க்கும் ஆடுகளுக்கு ஹிந்தி திரைப்பட நடிகர்களின் பெயர்களை இட்டு வளர்த்துள்ளார்.பதான், சுல்தான், ராஜ்குமார் போன்ற பெயருடைய ஆடுகளையும் வளர்த்து வருவதாக உரிமையாளர் குறிப்பிட்டார்.