சிவகங்கை அருகே மயில் வேட்டையாடியவரை கைது செய்த வனத்துறை அதிகாரிகள் அவரிடமிருந்து நாட்டுத்துப்பாக்கியை பறிமுதல் செய்தனர்.சிவகங்கை மாவட்டம் காளையார்கோவில் அருகே வனத்துறையினர் சோதனை மேற்கொண்டனர். அப்போது அவ்வழியாக இருசக்கர வாகனத்தில் வந்த விஜயகுமாரை தடுத்துநிறுத்த முயன்ற போது தப்பியோடினார்.
இதனையடுத்து தப்பியோடிய விஜயகுமார் அரண்மனை சிறுவயல் என்ற இடத்தில் தனது இருசக்கர வாகனத்தையும் தான் வைத்திருந்த பையையும் போட்டுவிட்டு ஓடிவிட்டார்.வனத்துறையினர் வந்துபார்த்தபோது அந்த பையில் மயில்கள் இறந்த நிலையில் இருந்ததை கண்டு தப்பியோடிய விஜயகுமாரை தேடிவந்தனர். வனச்சரக அலுவலர் கோபிநாத் தலைமையிலான அதிகாரிகள் நடத்திய விசாரணையில் தப்பியோடிய விஜயகுமாரை மேலூர் அருகே வேலாயுதம்பட்டியில் கைது செய்தனர்.
மேலும் விசாரணையில் இறைச்சிக்காக அவர் மயில்களை வேட்டையாடியது தெரியவந்தது. இதனையடுத்து விஜயகுமார் சிவகங்கை நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டார்.
