அமெரிக்காவில் கடும் பனிப்புயல்:
அமெரிக்காவில் பருவ காலத்தில் ஏற்படும் கடும் பனப்பொழிவு மற்றும் பனிப்புயல் காரணமாக பல்வேறு வகையான விபத்துக்கள் நிகழ்வது வழக்கமாக உள்ளது. இந்த நிலையில் இன்று ஆஸ்டின்,டல்லாஸ் பகுதிகளில் இருவர் உயிர் இழந்து உள்ளனர்.
விமான சேவை ரத்து:
அதே போல, டல்லாஸ் நகரில் போர்ட் ஒர்த் சர்வதேச விமான நிலையத்தில் இருந்து புறப்படும் மற்றும் வருகை புரியும் விமானங்களில் சிறு தாமதம் அல்லது ரத்து செய்யப்பட்டது.
பள்ளிகள் மூடல்:
டெக்சாஸில் பனியின் தாக்கம் காரணமாக 7 ஆயிரம் இடங்களில் மின் இணைப்பு துண்டிக்கப்பட்டது. அதோடு, 1 லட்சம் மாணவர்கள் படிக்க கூடிய மெம்பிஸ் ஷெல்பை கவுன்டி பள்ளிகளில் இன்று வகுப்புகள் ரத்து செய்யப்படும் என அறிவிக்கப்பட்டு உள்ளது.
வானிலை மையம் தகவல்:
இந்த பனி புயலானது, டெக்சாஸ், ஒக்லஹோமா, அர்கான்சாஸ் மற்றும் டென்னசி மாகாணங்களில் இன்றும் தாக்கம் ஏற்படுத்த கூடும் என அந்நாட்டு தேசிய வானிலை ஆய்வு மைய நிபுணர் மார்க் செனார்டு கூறி உள்ளது குறிப்பிடத்தக்கது.
