அலுவலகம் சென்று வேலை பார்க்கும் பெண்களுக்கும், கல்லூரி பள்ளிகளில் படிக்கும் மாணவிகளுக்கும் தான் அவசரம் என்பதில்லை. சாதாரண குடும்ப தலைவிகளுக்கு கூட அவசர அவசரமாக புறப்பட்டு செல்ல வேண்டிய சூழ்நிலை ஏற்படுகிறது .
அந்த அவசரத்தில் அழகான’ மேக் -அப் ‘ போட்டுக் கொள்வதை பெண்கள் அறிந்து வைத்திருக்க வேண்டும். 5 நிமிடத்தில் அழகாக ‘ மேக் -அப் ‘ செய்ய இதனைப் பின்பற்றுங்கள் .
முதலில் முகத்தை சோப்பிட்டு கழுவி துடையுங்கள். சரும பாதுகாப்புக்காக ‘லிக்யுட் ‘ பவுன்டேசன் நாலு அல்லது ஐந்து துளிகள் எடுத்து முகத்தில் தடவி கொள்ளுங்கள். முகத்திற்கு நிறத்திற்கேற்ப பொருத்தமான பௌடெரை பூசுங்கள் .
அடர்ந்த புருவம் இருந்தால் பிரஷ் செய்தால் மட்டும் போதும் .இல்லாவிட்டால் ஐ -ப்ரோ பென்சில் மூலம் லேசாக வரையுங்கள் . உடுத்தும் உடைகளுக்கு ஏற்ப இளம் நிறத்தில் ஐ -ஷேடோ போடலாம் .
கண் மை பயன்படுத்தினால் அதிக நேரம் ஆகும். அதனால் ஐ – பென்சில் சிறந்தது. கருப்பு, பிரவுன், நீல நிறத்தில் பென்சில்கள் கிடைக்கின்றன .
உடைகளில் நிறம், ஐ -ஷேடோ ஆகியவைகளுக்கு பொருத்தமான லிப்ஸ்டிக் பயன்படுத்துங்கள். சாந்து, குங்குமம், ஸ்டிக்கர் போட்டு அல்லது ஐ -லைனர் கொண்டு பொட்டு வைத்து கொள்ளவும் .
அப்புறம் என்ன ? கண்ணாடி முன்பு நில்லுங்கள் ! அழகாக இருப்பீர்கள். வேறு என்ன ?தேவைப்பட்டால் ‘சென்ட்’ பூசி கொண்டு கிளம்ப வேண்டியது தான்.
