ரெட்டைச்சுழி படத்தின் மூலம் கதாநாயகனாக அறிமுகமான ஆரி தனது பிறந்தநாளை நேற்று படக்குழுவினருடன் வித்தியாசமான முறையில் கொண்டாடி அனைவரையும் அசத்தியுள்ளார்.
ஆரி தற்போது நடித்து கொண்டிருக்கும் படம் அலேக்கா . இந்த அலேக்கா படத்தில் ஆரி ஜோடியாக ஐஸ்வர்யா தத் நடித்துள்ளார் .
முழுக்க முழுக்க காதல் கதையைக் கொண்டு இந்த படம் உருவாகியுள்ளது . ஆரி இயற்கை உணவிற்கு முன்னுரிமை கொடுப்பவராக இருப்பவராகவும் ,மேலும் இவர் ஜல்லிக்கட்டு போராட்டத்தின் போது தன்னுடைய பங்களிப்பையும் அளித்திருந்தார்.
சமூக மனப்பான்மை அதிகம் கொண்ட நடிகர் ஆரியுடைய பிறந்தநாளை நேற்று அலேகா படக்குழுவினர் கொண்டாட ஒரு பிரம்மாண்ட 5 கிலோ எடையுள்ள கேக்கை தயார் செய்தனர் . ஆனால் அதை ஏற்க மறுத்த ஆரி இயற்கை உணவிற்கு முன்னுரிமை கொடுக்கவேண்டும் என்றும் சொல்லும் விதமாக தன்னுடைய பிறந்தநாளில் கலந்து கொண்ட அனைவருக்கும் இளநீர் கொடுத்து வித்தியாசமாக பிறந்தநாளை கொண்டாடி அசத்தியுள்ளார் என்பது குறிப்பிடத்தகுந்தது .
தீடிரென ஏற்பாடு செய்த பிறந்த நாள் விழாவில் அவ்வளவு பேருக்கும் இளநீர் அங்கு உடனே கிடைத்தது எப்படி? இதெல்லாம் சினிமா புரோமோஷன் சகஜமப்பான்னு போக வேண்டியது தான்.
