‘சிண்ட்ரெல்லா’ படத்தின் மூலம் இயக்குனராக அறிமுகமானவர் வினு வெங்கடேஷ். இவர் எஸ்.ஜே.சூர்யாவின் உதவி இயக்குனராக பணியாற்றியவர். இவர் இயக்கத்தில் நடிகர் பிரபுதேவா தற்போது தனது 60 வது படத்தில் நடித்து முடித்துள்ளார். இந்த படத்துக்கு ‘வுல்ஃப்’ என்று பெயரிடப்பட்டுள்ளது.
![](https://mnadu.com/wp-content/uploads/2023/08/WOLF-1-1024x576.jpg)
இந்த படத்தில் அனுசுயா பரத்வாஜ், ராய் லட்சுமி, வசிஷ்டா சிம்ஹா, ரமேஷ் திலக், அஞ்சுகுரியன், ஸ்ரீகோபிகா உள்ளிட்ட பலர் நடித்துள்ளனர். இந்த படம் தமிழ், தெலுங்கு, கன்னடம், இந்தி ஆகிய 4 மொழிகளில் தயாராகி உள்ளது. சந்தேஷ் புரொடக்சன்ஸ் தயாரிப்பில் உருவாகியுள்ள இந்த படத்திற்கு அம்ரிஷ் இசையமைத்துள்ளார். அருள் வின்சென்ட் ஒளிப்பதிவு செய்துள்ளார்.
![](https://mnadu.com/wp-content/uploads/2023/08/WOLF-4-1024x576.jpg)
வசியம் செய்வதை மைய கருவாக வைத்து வரலாற்று காலத்தில் இருந்து இன்றுவரை பயணிக்கும் திகில் கதையம்சத்தில் இந்த படம் உருவாகி உள்ளது. சமீபத்தில் இந்த படத்தின் டீசர் வெளியாகி கவனம் பெற்றது.
![](https://mnadu.com/wp-content/uploads/2023/08/WOLF-5.jpg)
இந்த நிலையில் இந்த படத்தின் ‘சிங்கிள் மால்ட் கும்பல்’ என்ற பாடலின் புரோமோ வீடியோவை படக்குழு வெளியிட்டுள்ளது. பிரபுதேவா எழுதி நடிகர் விஜய் சேதுபதி பாடியுள்ள இந்த பாடல் வருகிற 16 ஆம் தேதி வெளியாகும் என்று அறிவிக்கப்பட்டுள்ளது.
![](https://mnadu.com/wp-content/uploads/2023/08/WOLF.jpg)