நீட் தேர்வு முறைகேடு குறித்து மக்களவையில் நாளை விவாதம் நடத்த வேண்டும் என்று பிரதமர் மோடிக்கு ராகுல்காந்தி கடிதம் எழுதியுள்ளார்.
நீட் விவாதத்திற்கு பிரதமர் மோடி தலைமை தாங்கினால் பொருத்தமாக இருக்கும் என எதிர்க்கட்சி தலைவர் ராகுல் காந்தி கடிதம் எழுதியுள்ளார். நீட் தேர்வு குறித்து நாளை நாடாளுமன்றத்தில் விவாதம் நடத்த வேண்டும். நீட் தேர்வு எழுதிய 24 லட்சம் பேரின் எதிர்காலத்தை கருதி விவாதம் நடத்த வேண்டும் என்றும் அவர் தெரிவித்தார்.
நீட் தேர்வு உடனடி கவனம் செலுத்தப்பட வேண்டும், ஏனென்றால் அது நமது உயர்கல்வி அமைப்பில் உள்ள ஆழமான அழுகலை அம்பலப்படுத்தியுள்ளது. எங்கள் மாணவர்கள் பதில்களுக்கு தகுதியானவர்கள். அவர்களின் நம்பிக்கையை மீண்டும் கட்டியெழுப்புவதற்கும் மீட்டெடுப்பதற்கும் பாராளுமன்ற விவாதம் முதல் படியாகும். இந்த விவகாரத்தின் அவசரம் கருதி, நாளை அவையில் விவாதம் நடத்துவதற்கு அரசு வழிவகை செய்ய வேண்டும் என்று கேட்டுக்கொள்கிறேன். மாணவர்களின் நலன் கருதி நீங்கள் இந்த விவாதத்தை நடத்தினால் அது பொருத்தமாக இருக்கும் என்று நான் நம்புகிறேன்” என தெரிவித்துள்ளார்.
