பிரதமர் மோடி பதவியேற்பு விழாவில் நட்பு நாடுகளின் தலைவர்கள் உள்ளிட்ட ஏராளமான விவிஐபிகள் கலந்துகொள்ள உள்ளதால், டெல்லியில் பல அடுக்கு பாதுகாப்பு போடப்பட்டுள்ளது.பிரதமர் மோடி பதவியேற்பு விழா, குடியரசுத் தலைவர் மாளிகையில் நடைபெற்ற விழாக்களிலேயே மிகப்பெரிய விழா என வர்ணிக்கப்படுகிறது.
இதை முன்னிட்டு டெல்லி முழுவதும் பல அடுக்கு பாதுகாப்பு வளையத்திற்குள் கொண்டுவரப்பட்டுள்ளது. டெல்லி காவல்துறை மற்றும் துணை ராணுவப் படைகளை சேர்ந்த 10 ஆயிரத்திற்கும் மேற்பட்டோர் பாதுகாப்பு பணியில் ஈடுபடுத்தப்பட்டுள்ளனர்.பிரதமர் மோடியும், வெளிநாட்டு தலைவர்களும் பதவியேற்பு விழா நடைபெறும் இடத்திற்கு வரும் வழியில் 2 ஆயிரம் பேர் பாதுகாப்பு பணியில் ஈடுபட்டுள்ளனர். டெல்லியில் பல இடங்களில் மாலை 4 மணி முதல் 9 மணி வரை போக்குவரத்து மாற்றங்களும் செய்யப்பட்டுள்ளன. பாதுகாப்பு மற்றும் கண்காணிப்பு பணிகள் தீவிரப்படுத்தப்பட்டுள்ளன.
