“எப்.ஐ.ஆர்” படத்தின் மூலம் ரசிகர்களை கவர்ந்த மனு ஆனந்த் இயக்கத்தில் உருவாகி வரும் திரைப்படம் “Mr.X”. இப்படத்தில் ஆர்யா ஹீரோவாகவும், கெளதம் கார்த்திக் வில்லனாகவும் நடித்து வருகின்றனர். இந்த படத்தில் ஆர்யாவிற்கு ஜோடியாக அனகா நடிக்கிறார்.
இவர்களுடன் பிரபல மலையாள நடிகை மஞ்சு வாரியர் முக்கிய ரோலில் நடிக்கிறார். இணையத்தள குற்றத்தை மையமாக வைத்து ஆக்ஷன் திரில்லர் ஜூனரில் உருவாகும் இந்த படத்தை பிரின்ஸ் பிக்சர்ஸ் நிறுவனம் தயாரித்து வருகிறது. தன்வீர் வீர் ஒளிப்பதிவாளராக பணியாற்றும் இந்த படத்திற்கு திபு நினன் தாமஸ் இசையமைக்கிறார்.
தமிழ், தெலுங்கு, இந்தி என சுமார் ஐந்து மொழிகளில் பான் இந்தியா திரைப்படமாக மாபெரும் பட்ஜெட்டில் இப்படம் உருவாகி வருகிறது. சமீபத்தில் இந்த படத்தின் படப்பிடிப்பு சென்னையில் தொடங்கியது. இதையடுத்து இந்த படத்தின் படப்பிடிப்பு உகாண்டா மற்றும் செர்பியா உள்ளிட்ட நாடுகளில் நடைபெற உள்ளது. இந்நிலையில் இந்த படத்தில் நடிகர் சரத்குமார் முக்கிய ரோலில் நடிப்பதாக அறிவிக்கப்பட்டுள்ளது. இப்படம் இந்த வருட இறுதி அல்லது அடுத்த வருட துவக்கத்தில் வெளியிட படக்குழு பிளான் செய்துள்ளனர்.
