அமெரிக்காவில் ஹன்னா வில்லியம்ஸ் என்ற 17 வயதுச் சிறுமி, மன அழுத்தத்தைப் போக்குவதற்கான சிகிச்சை மேற்கொண்டு வந்ததாகக் கூறப்படுகிறது.
கடந்த வாரம் வீட்டில் இருந்து காரில் புறப்பட்ட அவர் போக்குவரத்து விதிகள் அனைத்தையும் மீறி விபத்தை ஏற்படுத்தும் வகையிலும் தாருமாறாக ஓட்டிச் சென்றதை ரோந்துப் பணியில் இருந்த போலீஸ் ஒருவர் பார்த்துள்ளார்.
இதை அடுத்து சிறுமியின் காரை துரத்திச் சென்ற அவர் ஒரு கட்டத்தில் மடக்கினார். அப்போது காரை விட்டு இறங்கிய சிறுமி துப்பாக்கியைக் காட்டவே, தற்காப்பு நடவடிக்கையாக போலீஸ் அதிகாரி சிறுமியை சுட்டார்.
இதில் சிறுமியின் மார்பில் குண்டு பாய்ந்தது.அதன் பிறகு அவர் கையில் வைத்திருந்த துப்பாக்கி போலி என்பது பின்னர் கண்டறியப்பட்டது. மருத்துவமனை கொண்டு செல்லும் வழியிலேயே அச்சிறுமி உயிரிழந்தார்.
