வணிகம்

சென்னை, டெல்லி-என்சிஆர், மும்பை பெருநகரப் பகுதி, கொல்கத்தா, பெங்களூரு, ஹைதராபாத்,புனே ஆகிய 7 நகரங்களில் சொகுசு குடியிருப்புகளை விலைக்கு வாங்குவதற்கும் வாடகைக்கு எடுப்பதற்குமான தேவை தொடர்ந்து அதிகரித்து வருகிறது. இந்த நகரங்களில் ஆடம்பரமான வீடுகளைக் கொண்ட பகுதிகளில் 2 ஆயிரம் சதுர அடிக்கும் அதிகமான பரப்பளவைக் கொண்ட குடியிருப்புகளுக்கான சராசரி மாத வாடகை, குறிப்பாக கோட்டூர்புரத்தில தற்போது 14 சதவீதம் அதிகரித்து 84 ஆயிரம் ரூபாயாக உள்ளதாக ஆய்வில் தெரிய வந்துள்ளது

ஒப்புறுதி பத்திரங்களை வெளியிட்டு 4 ஆயிரம் கோடி ரூபாய் மூலதனம் திரட்டியதாக பாரத ஸ்டேட் வங்கி தெரிவித்துள்ளது. பத்திர வெளியீடு குறித்து வங்கி வெளியிட்டுள்ள அறிக்கையில் ,பேசல் 3 வகையைச் சேர்ந்த 2-ஆம் நிலை மூலதனத்துக்கான 2ஆயிரம் கோடி ரூபாய் மதிப்பிலான ஒப்புறுதிப் பத்திரங்களை நிறுவனம் வெளியிட்டது என்றும். அந்தப் பத்திரங்களை வாங்க, ஒதுக்கீடு செய்யப்பட்டதைப் போல் ஏறத்தாழ 5 மடங்கு விண்ணப்பங்கள் குவிந்ததாக பாரத ஸ்டேட் வங்கி தெரிவித்துள்ளது.